黃展鴻喜事3連發 榮升爸爸隊長老闆

假如人逢喜事心情靚的話,香港東亞運足球金牌功臣之一的黃展鴻「大眼仔」,近期豈不是靚爆?

剛重返母會標準流浪的「大眼仔」近期喜事浪接浪,先是「造人」成功,將於今年中榮升做爸爸,繼而重披母會球衣後獲會方委以重任,戴上隊長臂章,昨日與友人合資的生意亦開張大吉,難怪記者昨日所見,神采飛揚的他全程笑到見牙唔見「大眼」啦!

配合健身拳擊瑜伽等設施

在東南亞和寶島十分流行的室內足球人造草球場,近年開始在香港興起,黃展鴻與幾名前港青好友,包括朱偉霖、蔡仲賢和張耀聰等合資的生意Master5競技場,亦以兩個位於觀塘區的室內人造草5人場為賣點,配合健身、拳擊和瑜伽等設備。昨日擇吉開張,幾名股東除忙於招呼來賓及為正式開業進行衝刺外,更輪流於表現賽上陣,與一眾邀請隊嘉賓較技,場面熱鬧。

大頭仔

四個不同年代的港青球員黃展鴻(左起)、張耀聰、蔡仲賢和朱偉霖,齊齊做老闆。

本身擁有多個教練牌的朱偉霖(左)請纓任「大眼仔」的私人教練。

近年在商界十分活躍的「朱氏夫婦」首度投資室內足球場。