查實比堅尼籃球並唔係咩創先河嘅賽事，內衣美式足球聯賽同內衣曲棍球聯賽早就喺美加掀起熱潮，《NBC》體育專家話：「睇到內衣美式足球聯賽咁成功，有人想搵班索女打籃球係意料中事。」內衣曲棍球聯賽目前只係得兩隊波，但就加入真人騷元素增加吸引力，至於內衣美式足球聯賽已經搞咗4年，有12支美國球隊同4支加拿大球隊，規模龐大。