占士膺全美最佳籃球員

雙料MVP、NBA總冠軍加上倫奧金牌，占士於2012年贏盡一切，昨獲美國籃協會選為「2012年美國最佳男子籃球員」可謂實至名歸。占士之所以於籃壇橫行霸道，原來與自細沉迷摔角有關，「大帝」自爆受傳奇摔角手Ric Flair影響，揚言未到斷氣一刻都Never Give Up！

摔角於美國歷史悠久，雖然比賽過程乃事先作編排兼且並非拳拳到肉，但由於招式華麗加上故事發展緊湊，普羅大眾早已將摔角當「追劇咁追」，近年靠打摔角殺入荷里活影壇的選手不計其數，當中「蠍子王」狄維莊遜可算佼佼者，但講到經典，肯定非90年代紅極一時的Ric Flair莫屬！

於夏洛特出世的Ric Flair，上周四專程入場支持家鄉隊伍山貓，賽後又到客隊更衣室與熱火球員打招呼。偶像突然出現，「大帝」當堂化身小粉絲上前握手，事後占士向《太陽哨兵報》表示：「我自細就好鍾意Ric Flair，佢嗰種浮誇演技令我着迷，同時佢對摔角嗰份熱誠同專業，教曉我未到最後一刻都唔好放棄，我出場撒鎂粉、做Gym方法同打不死精神，統統都係學佢、受佢啟發。」占士將籃球場當擂台一樣，昨日又試大開殺戒勁入32分，帶領熱火加時以119:109勇挫到訪的小牛。

至於17連勝斷纜的快艇就「洩晒氣」，昨以94:115不敵勇士錄得兩連敗，球會班主史特寧的兒子史葛，昨晨就因服食過量毒品去世，享年32歲。快艇陣營氣氛低落，明早於「洛城打吡」難讓湖人，「紫金兵團」受讓3.5分寧捧下盤。（now635台、廣東體育及中央5台周六早上11:30直播）另外，上月底溜馬對公牛一戰因風雪改期，聯盟已安排此戰於2月5日進行補賽。