奧尼爾前度情婦搵高比煮死巨無霸
奧尼爾去年12月被前度情婦Vanessa Lopez入稟控告騷擾及造成感情傷害。由於當年高比拜仁擺平強姦案，有傳奧尼爾乃幕後功臣，Vanessa相信情場騙子奧尼爾「經驗豐富」，故想高比出庭做證，證明奧尼爾人格差劣。若高比決定上庭「煮死」舊拍檔，一直傳不和的「OK組合」關係定更惡劣！
高比未回應事件，表現亦未受影響，昨日攻入25分協助湖人主場以95:90擊敗籃網，3連勝兼帶挈首度領軍的主帥迪安東尼響頭炮。賽後高比心情大靚，談到Grinnell Colleage後衞泰萊於當地時間周二的NCAA第3級賽事攻入138分時戲稱：「佢肯定係着咗我款波鞋，唔係點會咁勁！」