雷霆對待夏登大細超
做球員好講命水，如果你係占士夏登「粉絲」就一定唔多Happy，畢竟呢位「鬍鬚仔」喺雷霆可謂「一人之下，萬人之上」，除咗杜蘭特之外，佢絕對唔會比任何一位球員遜色。我哋經常攞韋斯布克同夏登相提並論，而大多數球迷都覺得夏登稍為優勝，球隊老大「KD」，「老二」韋斯布克同「老三」伊巴卡全部都開開心心同會方簽訂四年或以上嘅長約，相反夏登正喺洽談過程中，雷霆就極速結束談判，大細超到不得了！
雷霆仲係一支成長緊嘅球隊，呢個時候有「超級第六人」離隊，當然係隊友同球迷最唔想見到嘅事。
過火箭屬雙贏局面
火箭未開咧就得到1位年輕球星加盟，無論對隊波實力或受歡迎程度都提升咗唔少，況且夏登亦得到一份肥約，可以話係雙贏。天下無不散之筵席，球場上未能成為永遠嘅兄弟，惟有賽後約埋把酒言歡！上次筆者話睇好雷霆，睇嚟家陣要極速轉軚。
李偉倫