記:記者
偉:偉仔
記:唔使比賽或者訓練,你會同媽媽去邊?
偉:落大牌檔「開餐」囉!但最鍾意同媽媽行街買衫,有時自己買,有時阿媽買,但阿媽見到有啲(衫)好貴,我話買啦,我畀錢,但佢話好貴呀,唔買。
記:果然係孝順仔喎,你話媽媽好堅強、慈祥,而且係你生命中最重要嘅人,當中邊件事令你最難忘呢?
偉:(停了一停,想了一想)實在太多,我腦海中有好多,每個節日都會同佢一齊慶祝。
記:會唔會一齊睇戲呀?
偉:依家少咗好多,我要返工嘛,上次一家人睇戲好似係今年初嘅事。
記:依家目標係乜呀?
偉:享受每場比賽。其實我都想學吓嘢,想學剪接,又想學吓網頁設計,呢兩樣我都有興趣。