唔落場拒影相朗度Cool爆
Red Bull King of the Rock 2012（香港及澳門區決賽）昨於修頓室內場舉行，活動大使、塞爾特人球星朗度Cool爆現身為參賽者打氣，腳穿在香港新買皮鞋的他並未落場一展身手，全程亦少有露出笑容，但亦識做的坐定定舉行簽名會，球迷總算沒白來一場！
這個「One on One」比賽優勝者，將獲贈機票、食宿到美國三藩市惡魔島出戰全球總決賽，挑戰世界各地好手，今年吸引眾多甲一球星參賽，如永倫的呂楚威、方誠義、飛鷹的高榮生等。
朗度於4強賽時到達場館，全場觀眾情緒高漲，未知是否首次在港公開亮相，粉絲們均非常瘋狂，希望盡量接近偶像索簽名、合照，就連朗度都要出聲呼籲大家冷靜：「香港的球迷好Crazy，但希望各位可以返回比賽席，讓賽事可如常舉行。」
方誠義奪三藩市總決賽資格
正當人人期待朗度落場「露兩手」，他卻只在場邊拍拍波，叫Fans失望。結果方誠義於決賽以10:7力克陳明偉，成為今次香港站冠軍，他表示沒想過會贏：「其實都是抱輕鬆心態，去到美國都是以學習態度參賽。」之前在香港四圍遊覽的朗度，接受訪問時就大談對本港印象：「像紐約一樣繁華，而且非常多人。」
即使朗度最後未有騷球技，但卻即場舉行了一場約10分鐘的簽名會，可惜的是「只簽不影」，女球迷Joey坦承有點失望：「簽完名很快就被人趕走了，令我對他的印象有少少扣分。」
朗度一入場就Cool爆。
朗度冇好似杜蘭特咁喺Fans面前露兩手。
朗度對住小朋友都臉黑黑。
頒獎畀方誠義（左）嗰陣，朗度罕有咁露出微笑。