占士心痛佛州槍擊慘劇

佛羅里達州槍擊案奪去12人性命，丹佛金塊球員昨日特別戴上黑色頭巾出戰夏季聯賽，悼念死難者，一眾球星包括麥基、韋迪及正身處西班牙備戰倫奧的勒邦占士，亦於昨晨表示哀悼。

「大帝」於twitter表示：「咁嘅愚蠢行為令咁多人喪命，佢哋真係好無辜，呢件事令我好心痛，我喺度向受牽連嘅家屬祈禱。」剛於曼徹斯特大炒英國40分的「夢10」，昨日已抵達巴塞隆拿，陣中球星高比拜仁、杜蘭特及勒邦占士甫到埗即賣口乖就大讚美斯好波，對該位巴塞球王五體投地。

高比勁佩服美斯

當中「小飛俠」就向《阿斯報》稱：「美斯係世上最佳球員，就算呢一刻未係，將來都一定係！」美國男籃主帥克爾澤維斯基昨日只安排自願性投籃操練，一班球星稍後已浩浩蕩蕩到市內觀光及影相，似乎未有放今晚友賽對手阿根廷於眼內。畢竟阿根廷早前面對西班牙及巴西都落得大敗收場，老將真路比利經歷趕命賽季後亦「冇晒油」，美國男籃要力爭熱身賽4連捷無難度。（now635台及廣東體育周一凌晨3:30直播）