碧咸拍住Justin Bieber搞波？

Justin Bieber同碧咸合作搞波？加拿大樂壇小天王Justin Bieber近年迷上踢足球，最近就希望踩入球圈，效法英國歌手Robbie Williams成立球會，更找來英格蘭名將碧咸擔任教練，如果成事，相信這支明星足球隊一定全球矚目！

加拿大小天王想創立球會

Justin Bieber向來熱愛運動，過去2、3年開始踢波，還想創立球會：「我知Robbie Williams有隊LA名人隊，我諗住搵班後生仔踢，其中一個教練人選係碧咸，隊波唔會每周都踢，一季大約打3、4場波。」Justin稱會親自問碧咸，亦想找女友Selena Gomez和辣妹維多利亞做啦啦隊。

另外，碧咸近期盛傳會於奧運開幕禮燃點聖火，他受訪時表示自己無資格：「應該由奧運名將負責點聖火，找個曾代表英國奪金的選手，到底最後由誰人擔任這角色，大家拭目以待啦！」英國莊家立博已將碧咸點聖火賠率定為6倍，「萬人迷」稱無論被安排做甚麼角色，都會覺得好自豪。

碧咸亦再次談及落選奧運隊的感受：「真的好多人支持我，朋友和家人知道我有幾難過，不過日子再難過仍要過，希望英國喺奧運贏愈多金牌愈好！」