食店起死回生 林瘋救「港」！

林書豪救「港」？紐約華埠經濟不景，不少餐館都站不住腳面臨倒閉厄運，但隨着「林瘋」於3月份大爆發，打救了一家叫做「香港站」的唐人街快餐店，「香港站」靠林書豪起死回生，店東當然希望「恩公」來季捲土重來，「瘋」繼續吹！

「香港站」老闆黎子峰本身為超級運動迷，開業時特別安裝了兩部大電視直播足球比賽，但單靠4年一度的世界盃吸客非長遠計，歐洲聯賽亦未能引起當地球迷興趣，適逢林書豪於3月份大爆發，黎子峰每逢紐約人有直播便大力宣傳，令「香港站」水洩不通，生意額勁升。

紐約人睇中佐敦準女婿

黎子峰透露：「雖然紐約人晨早喺季後賽出局，但我已經儲咗班客，暫時唔使靠林書豪『拉客』。我希望趕及喺來季開咧前申請到酒牌，到時嘅生意可能仲旺！」

來季林書豪會否繼續為紐約人効力仍屬未知數，該隊最近忙於試訓新秀，盛傳會方吼中安東尼的錫拉丘茲大學師弟、米高佐敦準女婿查甸，美媒紛紛估計這位控衞會於次輪被紐約人選中，查甸表示：「如果淨係負責交波畀安東尼，然後睇佢表演，呢份肯定係全美國最輕鬆嘅工作。」