拿度輸波扯火 聲言杯葛藍土場
兩屆盟主西班牙球星拿度，昨日在馬德里網賽終被「藍土場」玩謝，倒灶以3:6、6:3、5:7，職業生涯首次負於同胞華達斯高，無緣8強，「泥地王」賽後繼續狠批場地，並揚言若賽會明年仍然堅持用藍土，他將拒絕參賽。
祖高域撐拿度
過去14次與華達斯高交手未輸過的拿度，對戰果顯然覺得意外，賽前已批評「藍土場」的他再次強烈批評：「我近年輸嘅第一場泥地賽，竟然係藍土，我很重視移動，否則無法打出好嘅擊球，如果佢哋（賽會）不改變的話，馬德里站將會消失係我嘅賽程編排上，藍土完全顛覆比賽，這與紅土完全唔同，我唔想再在藍土冒險。」
「一哥」祖高域對拿度有意杯葛馬德里站亦加入聲援行列，而祖高域昨獲巴西足球球星朗拿度及卡卡等撐場，直落兩盤淘汰對手晉級8強，將與塞爾維亞同胞帖沙華域爭逐。女單方面，李娜以1:2不敵艾珊妮嘉，８強出局。