林書豪考慮披中國戰衣征奧運

紐約人今季經已收咧，華裔新星林書豪亦開始為將來作打算！J.Lin昨日就表態正考慮為中國打倫敦奧運，同時暗示下季可能離開紐約人發展。

其實早在上年亞錦賽期間，林書豪就曾先後獲中國及中華台北邀請入隊，但J.Lin最後以膝傷拒絕。由於倫敦奧運即將舉行，林書豪代表哪國出戰再次成為焦點，「林瘋」昨日表示對加入美國奧運隊很有興趣，惟亦知遠離現實，所以最後表示：「可能喺嚟緊幾日，我跟中國籃協再次聯絡，假如中國籃協有意搵我，我會仔細考慮，然後做出決定。」

下季未必留効紐約人

林書豪下季効力哪支NBA球隊亦是近期熱話。早前有報道指J.Lin下季極大機會留効紐約人，但「林瘋」昨日就「有保留」：「你永遠唔知呢個業界會發生咩事，可以留喺紐約人梗係好啦！但NBA總會有瘋狂嘅事發生。家陣我最擔心係下季可唔可以為所効力嘅球隊繼續有好表現。」至於紐約人看守教練活臣就放言希望下季坐正，並希望林書豪留隊，但就表明J.Lin下季能否繼續擔正，取決今個夏天的表現和成長。