Marco致敬：「因你愛上士碌架！」
亨特利退役的消息驚撼體壇，香港桌球天王傅家俊（Marco）亦即時在微博表達對這位兒時偶像的敬意：「全因你而愛上士碌架，在此向你致敬！King of Snooker forever。」
已結束世界賽回港的Marco對消息仍有點震驚：「其實係估佢舊年退役，因為佢當時世界排名跌出前16，但早幾日先見佢同教練練習，我仲以為佢會打多一、兩年添。」Marco 87年第一次喺灣仔伊館見到當時17歲嘅亨特利，已留下深刻印象：「佢當時打法已好特別，後來我好迷佢，仲不斷翻睇佢嘅打波錄影。」由兒時偶像、至現在的學習榜樣，Marco表示︰「即使佢做咗世界冠軍依然每日準時10點練習，而且態度認真，佢令我知道成功非僥倖。」