阿Wing分享養狗仔心得

為了讓「芝治」在宿舍可以開心地成長，三位「爸爸」在接走「芝治」當日，就在朱偉霖與太太「阿Wing」合力經營、位於太子警察俱樂部附近的寵物店，足足逗留了超過句半鐘，期間更每事問。難得面對三個大男孩輪流問長問短，老闆娘「阿Wing」依然逐一解答，服務態度一流：「一咩流吖，隻『金毛』係經我手出去嘅，我都想佢之後生活得好。佢哋問得咁仔細我都好開心，反映佢哋想做負責任嘅主人。」

寵物籠：據具有超過8年從事寵物美容工作經驗的「阿Wing」表示，由於「金毛」僅在BB時要放籠，六個月大左右，籠便不再用得着，所以建議毋須在這方面作太大花費，她說：「一定要記住唔好買膠嘅，要買金屬製嘅，因為『金毛』BB好鍾意咬嘢，個籠膠嘅話，眨吓眼就會咬到散晒！」

沖涼液：「阿Wing」強調並非貴價貨就一定啱用，最重要是注意沖涼液的成分，最理想是使用一些純天然成分的沖涼液，化學成分愈少愈好。「揀沖涼液真係要好小心，如果唔係搞到狗狗皮膚敏感就好麻煩。」「阿Wing」又提醒主人們千萬不要與寵物「分享」沖涼液，因大部分人用的沖涼液正正就含有許多化學成分：「一次都唔好試呀！」

狗糧：跟沖涼液一樣，「阿Wing」認為大家購買狗糧時，一定要細閱包裝袋上的成分，最好是純天然成分，並無「動物副產品」、化學防腐劑、味精及人造色素，她補充道：「狗狗食得健康，自然少啲病痛！」「阿Wing」提到，因建議大家購買沒有防腐劑的狗糧，故不要一次過買太大包，以免變壞。

零食：「阿Wing」謂許多主人都喜歡為狗狗購買各式各樣的零食，惟她本人卻不太建議，畢竟普遍零食都含有大量色素，而且難以消化，甚至完全無法消化，輕則令狗狗肚子不舒服，重則會對狗狗生命構成威脅，她說：「其實用清水烚熟雞肉做零食，狗狗已經好開心，又有益！」