雷霆輸波快艇闖季後賽
一向低調的雷霆球星杜蘭特，近日被揭即將殺入商界，夥拍紅星Randy Hogan及一大財團，合資70萬美元（約543萬港元）在雷霆主場附近開設一間集高檔及運動概念於一身的餐廳，預計最快在下季初落成，成為俄克拉何馬新地標！
合資543萬拍住歌手搵食
據美國傳媒報道，杜蘭特準備在効力球隊雷霆主場附近的Lower Bricktown開設餐廳，並與當地搖滾樂隊歌手Randy Hogan合資，落成後將由當地著名餐廳集團Hal Smith Restaurant Group管理，預計整個計劃投資約70萬美元。
據報這間餐廳佔地達1萬平方呎，並以「杜蘭特」命名，雖然餐廳工程仍需待俄克拉何馬城市重建局批准才可動工，但KD已等唔切：「呢個計劃好吸引，我無法拒絕，我預計餐廳喺嚟緊26號開始裝修，應該趕得切下季開咧前開張，我真係好期待！」
未知是否近日忙於處理生意，杜蘭特昨日面對快艇有點失準，雖攻入24分，但3分球7射全失，並有5次失誤，累雷霆作客以77:92輸波，兼令快艇提早鎖定季後賽資格。明日杜蘭特將率領雷霆作客太陽，「KD」為雪前恥，相信必加多兩錢肉緊，考慮到太陽亦要力爭季後賽資格，預期雙方將會駁火，大細中位數設喺198.5分，似乎大盤更可取！
雷霆球星杜蘭特（中）畀快艇球員夾擊。（法新社圖片）
