Q&A節錄
球迷：如果有得揀，你會玩咩樂器？
林書豪：打鼓！我高中參加青年會時玩過，但玩得好差，首首歌淨係識打同一個beat。
球迷：你識唔識煮嘢？邊味最拿手？
林書豪：大蒜加鹽煎牛扒同是拉差甜辣醬炒蛋。
球迷：你細個有冇學過咩樂器？
林書豪：彈琴。但其實我想學三角鐵！
最驚曱甴蜜蜂
球迷：有咩事你好想做但一直都冇機會實現？
林書豪：滑水同揸水上電單車。
球迷：你會點樣改善過多失誤？
林書豪：我可以好肯定同你講我嚟緊6個禮拜係零失誤，我諗咁已經有改善，係唔係？
球迷：你驚曱甴嗎？
林書豪：驚呀！我仲好驚蜜蜂同其他昆蟲，除咗螞蟻。
自覺唱歌好聽
球迷：玩過《任天堂明星大亂鬥X》嗎？
林書豪：我細過成日用任天堂64玩《孖寶兄弟》，未玩過大亂鬥。
球迷：你唱歌係咪好好聽？
林書豪：我覺得係，但身邊冇人覺得係，我覺得佢哋唔識欣賞，哈哈！