動漫Maggie教你點扮嘢

正義朋友！變身！「國泰航空/滙豐香港國際7人欖球賽」今日起於香港大球場開打，除了各國勁旅肉搏比賽外，場內Fans扮嘢狂歡亦是比賽焦點！為了令各位能以突出造型，在4萬觀眾中突圍搶鏡，我們請來Cosplay女神「動漫Maggie」李曼筠及師妹JuJu陳鈺芸大派Cosplay貼士，並預計「超級英雄」將成今屆賽事主題！

要憑造型於大球場盡出風頭，就必須找專家教路，講到扮嘢至尊，17歲開始便在Cosplay界爆紅的「動漫Maggie」李曼筠是不二之選。

料超級英雄成今年主題

李曼筠說：「我留意到每年7欖球迷打扮都會有主題，2010年就因尊尼特普那套《愛麗絲夢遊仙境》爆紅，於是球迷們不約而同扮愛麗絲、瘋帽、白兔等角色入場；去年就因為有日本大地震，所以主題就傾向輻射及災情。來到今年，受到《復仇者聯盟》即將上畫影響，我預測美國一班『超級英雄』將成為主題，不單止鐵甲奇俠、變形俠醫與美國隊長，甚至連一些經典如超人、神奇女俠、保衞奇俠等都會連帶Hit爆！」

着得鮮艷最好跳埋舞

動漫Maggie師妹JuJu，去年以白髮魔女造型入場但效果一般，她隨即向師姐請教心得。Maggie表示：「你全身白色當然不夠搶眼，想突出多一點必須穿上色彩鮮艷服飾；如果多幾位朋友一齊扮，再加點舞蹈定能成為觀眾席焦點！」

Maggie更大談自己的Cosplay心得：「扮甚麼沒有所謂，最重要是熟悉角色，因為像演戲一樣，應由內到外、再由外到內。故除了要扮相似之外，神情、動作及說話都很重要，這才算是最佳造型！」