大陸片商6,600萬拍林瘋奮鬥史

因為恩師迪安東尼突然辭職，前日起已不斷傳出林書豪未來勢必再變「停瘋」，一班球迷更加已忘記上月如何當林書豪「神咁拜」，甚至在林瘋的Twitter留下帶種族歧視字句。外國球迷對林書豪一沉百踩，中國這邊就繼續捧J.Lin上天，有娛樂公司計劃花5,400萬人民幣，開拍以林書豪上位史為題的電視劇，更會為「林書豪」加插感情戲！

Twitter留言「中國佬」

紐約人大地震，林書豪在看守教練活臣處子執教下，上陣時間大減。有紐約人球迷賽後更在林瘋的Twitter留下Chink（中國佬）這個帶種族歧視字眼，不過J.Lin未有不悅，反而希望感化對方：「呢啲係2012年仲會發生嘅事嗎？呢位弟兄，我相信上帝會愛你，而我亦會好似上帝一樣咁愛你。」最後「林瘋」更留下：「我為自己係亞洲人感到驕傲！」

林書豪性格謙卑，即使事業遭遇低潮又被歧視，亦沒半句怨言，難怪亞洲球迷，甚至片商都對他推崇備至。中國拉風娛樂昨日宣布，將投資5,400萬人民幣（約6,600萬港元）拍攝一套以林書豪為主題的電視劇，初步名為《籃球豪小子》。

《籃球豪小子》未獲林書豪授權

負責人表示目前已在整理劇本，故事講述林書豪這個無名小卒為了籃球夢不斷努力，之後成為叱咤風雲的籃球名將。林書豪一角將由自稱是林書豪Fans的陸昱霖飾演，劇中更會為J.Lin加插感情戲！

《籃球豪小子》並非與NBA合作，亦沒有得到林書豪授權，最終能否成事實屬未知之數，但明天紐約人作客溜馬一仗，如果J.Lin唔打爭氣波，相信無論中國球迷如何力撐，都阻止唔到林瘋變「停瘋」！看好J.Lin同班紐約人球員都要博取新帥活臣信任，作客溜馬紐約人受讓4.5分，下盤值博！