女子拳擊係今屆倫敦奧運嘅新項目，到時啲女將係着褲定着裙上擂台呢？到依家國際拳聯都仲徵集緊各個屬會嘅意見，而且引發正反兩方面嘅激烈辯論添。
由於冇規定，目前女子拳賽乜嘢穿着都有，着褲係主流，但係舊年十月嘅女子歐洲拳擊賽，波蘭、羅馬尼亞女將都係着短裙。支持着裙嘅覺得，咁做先有別於男子拳擊；反對者就話其他女子項目，好似足球咁，啲女仔都唔使着裙，點解拳擊要咁做？大家爭持不下。