阿寶：Marco「仲勁」！

奪過世界冠軍後，外界一直以「黃金寶接班人」形容郭灝霆，不過「阿寶」卻表示勿以此外號標籤Marco，全因他認為該位師弟無論於場內場外均有潛質超越自己，更希望將來會有更多「郭灝霆接班人」湧現。

珍惜同世界冠軍踩車

黃金寶每次談起郭灝霆總是有讚無彈，令記者感覺「阿寶」羨慕受萬千寵愛的Marco：「大家唔好再話郭灝霆係我接班人，佢都唔鍾意別人咁叫佢，其實佢好有自己特色，以前啲人可能會話想做黃金寶接班人，但依家好多小朋友都話做郭灝霆接班人，因為佢勁、又靚仔、女友又靚、又有家人支持，我個人就太靜唔好玩。」

雖然對師弟既羨慕又妒忌，但「阿寶」依然好珍惜與另一「世界冠軍」一齊踩車的感覺：「佢拎完世界冠軍後，我曾經同佢一齊喺香港踩單車，踩完之後我覺得好開心，個感覺好特別，香港咁細地方都有兩個世界冠軍，我同佢約好以後再有世界冠軍，我哋都要一齊踩車，希望組得成車隊。」不過單車場外，「阿寶」笑稱會給私人時間Marco，以免要師弟開聲「嫌佢老」。