父母開得印尼餐廳，「太子爺」黃永棋當然不愁「無飯開」。Vincent自小練波後都必定會到餐廳飲青檸梳打及食牛尾湯飯補一補：「細個次次練完波，一定入嚟食呢兩樣嘢，仲有炒通菜啦。細個食開印尼嘢，大個口味都偏向濃味，連『黑妹』及隊友間中都鍾意落嚟食芙蓉蟹。」港羽隊近年頻傳佳績，莫非同食得多印尼餐有關？
不過印尼餐廳這片Vincent昔日的兒時樂土將於下月因地區重建而搬遷，Vincent希望父母在辛苦19年後先「放個長假」才復工，但自己就因廚藝不佳未有打算繼承父業。
