魔獸 A米又甩底 世巡賽首站或取消
橫跨4大洲、為期兩星期的NBA世界巡迴賽雷聲大雨點小，昨日再有另一巨星杜域侯活退賽，原定今日於波多黎各開打的首站賽事未能如期舉行。11月份NBA常規賽打唔成，世巡賽又面臨夭折，令全球NBA迷受盡打擊！
原定今日揭開戰幔的世巡賽星光熠熠，主辦單位更吹到天花龍鳳，揚言已經與18位頂級球星包括高比拜仁、韋迪及杜蘭特簽訂出戰合約，不過最新消息是「魔獸」杜域侯活（下圖左）及「A米」史杜迪米亞宣布退賽，連同日前反口唔玩的占士、安東尼及基斯保羅齊齊「甩底」，成為波多黎各首站賽事取消主因。
不過據《ESPN》透露，首站賽事只是延期，本周四將公布安排，倫敦、澳門及墨爾本3站亦至少要押後至本月底才有望舉行。主辦表演賽的富豪達頓未有回應，至於波多黎各前日已公開發售門票，銷路理想，但大會昨日仍未就延期或取消作出退款安排。