美食增添練習動力理大雙妹嘜識打又識食

運動員生活有規律，不過一樣可以好識食。就讀香港理工大學的兩位運動員岑廸樺（Dara）、陳小燕（Mavis），打得又食得。別看她們有着運動員的身形，其實兩人最愛飲飲食食，笑言美食為她們增添練習動力。學校佔盡地理優勢，尖東、紅磡美食盡在咫尺。一齊看看她倆如何「Eat Hard，Train Hard」！

陳小燕論盡校內Canteen

「其實我哋好幸福，理大位處紅磡又近尖沙咀，好多好嘢食！」兩位小妮子講起「食」最開心。雖然理大有茶樓又有Canteen，但如果時間許可，學生們都會外出「覓食」。來到她們其中一間心水食肆、位於尖東的「美味軒」，Dara和Mavis點了燒鵝米粉及雲吞米線，再加珍珠阿華田和好立克，夠晒特別！

岑廸樺為減磅1日1餐

測量學系學生、僅重46公斤的跆拳道港女隊代表Dara，最Buy餐廳「抵食夾大件」：「就像這裏的粉麵，價錢不貴但大大碗，食切雞有時會畀雞髀！始終是學生哥，好食、抵、方便、夾到上堂時間最重要。」至於修讀工商管理和工程學的羽毛球健將Mavis則最欣賞店內特飲種類多。談到理大校內幾間Canteen，剛升讀大二的她們亦甚有「心得」：「『新Can』的雞髀最好食，『舊Can』的窩蛋牛肉飯都好好味。」

幾為食都好，Dara和Mavis為比賽絕對夠自律，就像早前出戰世界大學生運動會的Dara，為參加自由搏擊46公斤以下賽事，不惜忍口減磅：「我要從53公斤減至46公斤，所以除早操一課後食午飯外，基本上肚餓只會吃餅乾之類的小食。」曾為羽球港青代表的Mavis甚少需要減磅，不過，為保持狀態，大賽前由早練到晚，甚至離港訓練都無所謂。咁努力，抵你哋食多啲好嘢啦！圖/文：曾詩敏