「人生乜都要試」
也許是自己敢想不敢做，小記對翁嘉茵的頸上的太陽紋身特別留意。「02年嗰陣瞞住家人去紋，拎咗亞運銅牌之後紋嘅。當時划艇嘛，就想成日有個太陽照住自己；至於中間個Y字，係我個姓嘅英文字頭。」穿埋耳骨，阿Bee話「覺得人生乜都要試」（當然不包括不良嗜好）。
唔介意成手抓痕
小時候試過跟一大班男孩到郊外的峭壁攀爬，不怕跌傷。當運動員後，變得又黑又大隻，高峰時有60公斤，阿Bee說自己其實很易曬黑，像早幾天跟家人飲茶，在室外走15分鐘，立即變黑。不過，不嗜化妝的阿Bee笑言「唔太介意」，她就是這樣一個不拘小節的人。
訪問當天，眼見阿Bee因照顧小動物弄得滿手抓痕，不過她卻說那些是「印記」：「我唔介意喎，嗰啲係我同小動物相處過嘅印記。就好似我個額前面有一道疤痕咁，係我有次行路唔小心撞落隻艇度整出嚟，呢啲係我曾經划艇嘅印記。」翁嘉茵就是這樣一個爽朗的女生，圍繞她的，不一定是退役發展那些沉重話題。