被嗌o靚仔入女廁畀人鬧

多年來葉姵延除「飛身救波」成為其招牌動作外，「男仔頭」形象亦同樣深入民心，「黑妹」坦承多年來出街遇過不少尷尬事，除被誤稱「o靚仔」外，更曾在女廁被指摘：「細佬，入錯廁所呀！」

「黑妹」自小已因活潑好動剪下一頭短髮，更因當上全職羽毛球運動員而鮮有打扮。「我成日覺得打唔打扮都差唔多，所以出街都無咩所謂，着起件衫就出得街。」「黑妹」豪爽性格，加上「男仔頭」打扮，為她帶來「o靚仔」的稱呼。

過海關男職員上前搜身

「平時去餐廳食飯，啲阿姐成日都叫我做o靚仔，出外比賽過海關，成日都是男職員走上前搜我身，每次都要講清楚我係女仔先避免尷尬事。」「黑妹」不介意外人誤會，卻討厭「男仔頭」形象帶來的麻煩：「最麻煩係出街去廁所，經常入女廁都有人用奇異眼光眼望望咁，有時啲阿姐仲會話：『細佬，入錯廁所呀！』我會解釋我係女仔，但都好瘀o架！」

着衫最緊要舒服簡單

尷尬事情不絕，但依然我行我素，爽快的「黑妹」直言自己穿衣只為舒適，不想刻意去當「男仔頭」或作浮誇打扮：「其實着衫我只喜歡自然、舒服，簡簡單單足夠，我絕對不是穿得浮誇那種人，鮮色的衫對我來說已很足夠。」事實上，衣着能反映一個人的性情，不拘小節的「黑妹」，還是覺得當回那個真性情的自己最重要。