費達拿負泰桑加8強止步 祖高域贏多場做一哥

費達拿七冠夢碎！該位瑞士「草地之王」昨晚在溫網男單8強戰，未能把握領前兩盤優勢，慘遭法國「網壇阿里」泰桑加逆轉，以6:3、7:6（7:3）、4:6、4:6、4:6敗走，無緣追平森柏斯七度捧盃紀錄；反觀祖高域就愈戰愈勇，以6:2、3:6、6:3、7:5淘汰澳洲新星湯美，連續兩屆打入4強，將與泰桑加爭決賽權，「扮嘢王」只要再贏一場，即可取代拿度登上世界「一哥」王座。

至於「Big4」另一球星梅萊近日就被媽咪搞到成頭煙！事緣「Judy媽」在Twitter上不停大讚西班牙型男盧比斯靚仔又好波，惹來傳媒紛紛報道，梅萊終於忍不住「喝止」阿媽不要再跟好友兼對手「調情」。

梅萊唔准阿媽同盧比斯「調情」

天意弄人，梅萊8強對手正是盧比斯：「我諗佢（阿媽）係時候要停止講廢話，實在令我覺得惡心，真係討厭。」今年50歲的Judy曾大讚盧比斯是「神做的羅馬人」，還在Twitter不停為盧比斯打氣，又以「Deliciano」（甜心、可愛）形容對方，觀戰時又寫「我實在安定唔到！」難怪被形容「發晒姣」。