甲一未見後浪推前浪
甲一男籃季後賽冠軍與季軍戰同樣令人血脈沸騰，然而精彩背後，我卻看到一點問題值得重視，便是本地籃壇暫時未有足夠級數的後浪可以推動前浪。
「志強」組合無人能敵
話題由前晚的Game2賽日說起。季軍戰裏，飛鷹儘管半場落後福建14分之多，卻由第3節展開的全場緊迫戰術明顯奏效，逼到福建超過7分鐘未有分落袋。福建繼Game1後再一次捉到鹿唔識脫角，今仗輸波絕對合理，會方亦有必要正視一下後浪的問題了。
另邊廂的決賽，南華發揮也不錯，阿庭找回方向有所調整，隊友亦有足夠支援，只可惜在尾段後勁不繼，被永倫於完場前反敗為勝。今戰關鍵在於潘志豪及香振強如魚得水，我夠膽說「志強組合」在香港無人能敵，若3年內阿志和阿強沒有「分手」的話，這對孖寶肯定不愁錦標，事關我仍看不到有後浪湧上來呢！