瘋狂運動應有盡有

呢個世界千奇百怪，無論幾危險嘅嘢都有人夠膽挑戰，除咗懸崖跳水，以下9項瘋狂極限運動都可以「畀足十個驚」，莫講話親身體驗，齋睇都包你隨時嚇破膽。

火山滑板 Volcano Boarding

‧從2,380英尺火山滑落嚟，速度達每小時50英里，裝備就係得一塊板咁大把，冇任何保護，被評為世界最Cool運動。

瘋狂指數：4.5

‧喺印度非常流行，講求靈活性、力量同平衡力。「神奇小子」Aniket Chindak保持一項非正式世界紀錄，就係一次過喺57架車底下滑過。

瘋狂指數：3.5

‧顧名思義，喺滿布鱷魚嘅湖前面玩「笨豬跳」！聽聞曾經發生過恐怖意外，有個男人畀一條鱷魚咬甩個頭，真恐怖！

瘋狂指數：5

‧着咗對助力高蹺就好似喺月球漫步咁，超強彈力可以畀你騰躍離地3、4米，然後任你做翻騰、劈叉動作，夠爽！

瘋狂指數：3

‧人肉大炮由魔術舞台搬到現實生活，將人當做炮彈靠強大氣壓彈上超過26英尺半空，然後跌入泳池或泡沫堆。

瘋狂指數：3.5

‧唔算太危險，不過難度都幾高，因為既要識打Hockey又要識得潛水；究竟去搶球還是換氣都係一大學問。

瘋狂指數：2

‧包括爬火車頂，同喺行駛中嘅火車或地鐵車廂外漫遊。呢項所謂嘅運動喺上世紀80年代的德國興起，當時叫做「S-Bahn Surfing」，之後被人遺忘，至05年喺法蘭克福再次流行起嚟。

瘋狂指數：5

‧Slacklining屬平衡運動，由外國攀登者由走鋼線基礎上開創出嚟，可以作為攀岩選手平衡訓練項目。使用嘅尼龍繩一般只有26mm闊、3mm厚。

瘋狂指數：3

‧源於上世紀90年代後期嘅新西蘭，係一項既刺激又相對較安全嘅休閒活動。乘坐者被固定喺內球安全設施上面，由草坪上「碌」落去。

瘋狂指數：3

瘋狂指數 5 最高