師姐睇靚仔 師妹睇球技
桌球屬於紳士運動，Rebecca及Joey雖然對桌球認識不深，不過自廣州亞運捧過傅家俊（Marco）場後，現在閒時亦於家中觀看桌球，Rebecca更笑說「睇靚仔」為主。
「篤完波」即大喊辛苦的Rebecca，雖對桌球認識有限，但仍講得出奧蘇里雲、希堅斯等幾位球星名字：「桌球手無論贏波輸波都不可有太大情緒起伏，是一項幾得意的運動。」但對Rebecca來說，觀看桌球則有兩大娛樂：「對我們女士來說當然睇唔明桌球規則，但有時留意一下靚仔球星，都是另一種娛樂。」
相比之下，Joey則認為桌球是高難度的「禮儀運動」：「我就多數睇波為主，見到球手高難度入波真係會睇到嘩嘩聲。」