韓職假波案愈查愈入肉，昌原地檢廳特搜部部長李成熙尋日放料畀小Sun，話已經確認韓職有兩場盃賽造假外，舊年有場K聯賽都有問題，至於成個搜查結果係點，呢個禮拜四就會公布。但係大家咪以為單嘢咁就完喎，原來足球一出事，地檢廳就收到幾十個關於其他體育賽事打假波嘅舉報，包括咗棒球、籃球、排球等等，真係乜都有，查到班搜查員眼都凸埋。