大梅化妝減磅做主角

王一梅化妝「現身」香港！「屈臣氏世界女排大獎賽」香港站8月底開打，昨日除公布包括中國在內的四支參賽隊伍外，同時以王一梅擔正主角的賽事造型海報亦率先曝光！海報中「大梅」塗上黑色眼影配國家隊球衣（右圖中），更以減磅後收腰「弗爆」身形擺甫士，一改昔日鄰家女孩形象，未開賽已經贏盡「口碑」。

孫玥笑謂「睇唔慣」

世界排球聯會倣效網球宣傳手法，推出口號及為球員拍攝一系列分站海報，以「明星效應」做推廣。今年主題口號為「Hero Campaign」，並於各站大獎賽用上不同造型海報。提到香港站的Poster，最受球迷愛戴的王一梅自然成為主角。站在海報中央的「大梅」瘦身成功，更罕有地化上濃妝，加上叉腰造型自信十足。

全新海報曝光後亦引來極大回響，不過反應各異，有Fans未能認出「大梅」，昨出席賽事記者會的前中國女排名將孫玥亦笑稱「睇唔慣」：「以往打大獎賽均未有這種另類海報，也未見過『大梅』化妝的樣子，雖然睇唔慣，但這另類角度也可給觀眾看到女排球員的另一面，畢竟她們都是女仔，愛化妝愛行街。」

今屆大獎賽不但為球員大搞形象，亦由昔日12支參賽球隊增至16隊。中國於8月19至21日假香港體育館與波蘭、多明尼加及哈薩克爭冠。此外，賽會將安排連串活動，包括推廣軟式排球、表演賽及簽名會等。賽程及門票稍後公布。