隊友爆響口羅斯攞MVP
戴歷羅斯今季憑一己之力率領公牛勇奪常規賽冠軍，優異演出備受讚賞，縱然常規賽最有價值球員（MVP）尚未正式公布，但一般估計獎項將成「牛魔王」囊中物，公牛後衞屈臣昨日更「爆響口」，透過Twitter恭賀羅斯當選MVP！
估計周二對鷹隊領獎
根據慣例，NBA通常在5月份的第1個星期頒發MVP獎項，但由於要率先知會所屬球會舉行記招，故屈臣「收到風」絕不出奇。該名公牛後衞昨日透過Twitter表示：「恭喜戴歷羅斯奪得MVP殊榮，佢今季嘅表現實在難以置信！依家只係爭泰保杜（公牛教練）贏最佳教練獎。」
屈臣突然「爆響口」，消息隨即熱爆互聯網，不過NBA方面就拒絕作出回應，據美國《芝加哥論壇報》估計，聯盟極可能在香港時間周二早上，即公牛主場鬥鷹隊前向羅斯頒獎，屆時「牛魔王」將打破名宿安斯特的紀錄，以22歲之齡成為NBA史上最年輕MVP！