奧當創湖人歷史攞最佳第6人
臨近季尾，又到NBA派發成績表，繼前日杜域侯活「冧莊」榮膺最佳防守球員，昨日輪到奧當做主角，獲選為年度最佳第6人！於籃壇打滾12季終獲肯定，奧當不忘感激恩師積遜教練及對他愛護有嘉的球迷，然而近年獲最佳第6人獎項的球員，均未能於同一賽季打破奪冠魔咒，莫非奧當的成功暗示湖人會衞冕失敗？
近年化身「綠葉」的奧當踏入10至11球季大紅大紫，季前以主力身份率領美國男籃勇奪世界賽錦標，今季更打足82場常規賽，並貢獻場均14.4分、8.7個籃板及3次助攻的標青數據，53%的投射命中率更屬職業生涯新高，獲獎可謂眾望所歸。今次奧當獲得96張第1選票，一面倒力壓小牛射手泰利，成為湖人史上首位奪得最佳第6人獎項的球員。
湖人為隆重其事，昨日特別在酒店召開記者會，高比拜仁、積遜教練及加素紛紛到臨撐場，「小飛俠」表示：「我戥奧當高興，呢個獎抵佢攞！」奧當嬌妻Khloe Kardashian亦有出席，被問到為何戀上奧當時則笑稱：「奧當係一個好細心嘅人，周不時送花畀我，你話我點會唔愛佢？」
中魔咒隨時失落總冠軍
奧當憶述3年前被積遜教練告知要退居後備時，一時間不能接受，但隨後明白若要取得成功，每位球員必須作出犧牲，奧當表示：「冇積遜教練就冇今日嘅奧當，球迷嘅支持亦好重要。」翻查歷史，自95至96球季的公牛名將古高後，過去14年沒有1位球員同時贏得最佳第6人獎項及總冠軍，且看奧當能否打破魔咒！
高比（右）與奧當惺惺相惜。（美聯社圖片）
奧當嬌妻出席頒獎禮分享喜悅。（美聯社圖片）