加納特：全勝入play-off
正所謂薑愈老愈辣，塞爾特人老將「KG」加納特今季返老還童，踏入季尾更加愈戰愈勇。「KG」昨日與手部骨折的白蘭特正面對撼，結果打了不足半個鐘便功成身退，帶領「綠軍」以99:82擊敗76人重返東岸「二哥」位置，賽後更豪言要以全勝迎接季後賽！
據《紐約時報》記者碧克（@HowardBeckNYT）爆料，76人球星白蘭特於上個月已發現左手輕微骨折，但為確保球隊能以較好成績衝線，近期一直負傷上陣，但昨日卻被狀態大勇的加納特「食住」，全場只搶到5個籃板。
朗度又攞「雙雙」
反觀「KG」上陣僅24分鐘已攻入14分，加上朗度貢獻16分及13次助攻的「雙雙」成績，最終「綠軍」以17分大勝76人重返東岸第2位，追和熱火的70.1%勝率（未計今日賽事）。賽後加納特貫徹沙塵本色，向傳媒表示：「76人只係前菜，季後賽先係大茶飯，嚟緊5場常規賽嘅目標係全勝，最重要係下星期一剷除熱火！」
塞爾特人雄心壯志，控衞朗度亦都走出低潮，明日造訪公牛演東岸大戰肯定有一番惡鬥。公牛縱有地利，但讓到5.5分似乎太狠，寧捧下盤撐「綠軍」。
