激！德國《圖片報》尋晚爆出噴血消息，德電台Energy搞咗個「女球迷與球員共浴」活動，被選中者可以同法蘭克福獅子冰球隊「共赴浴室」。一位叫Sabrina嘅21歲女球迷喺18名參加者中脫穎而出，喺獅子一場比賽後全裸同成班球手一齊沖涼！呢個開心到好似中咗六合彩頭獎嘅女Fans話：「我不嬲想做啲出位癲嘢，咁等我老咗都可以同啲孫仔講，阿嫲（或者阿婆）都癲過o架！」真係頂佢唔順。