騎士爆冷贏湖人占士叨光

熱火昨日作客輕取速龍，戰況毫無特別，但奇就奇在一班球員賽後竟呆在更衣室，據《ESPN》記者在Twitter爆料，原來勒邦占士帶領一班隊友在更衣室收看母會騎士對湖人的比賽，最終騎士亦沒令「大帝」失望，主場以104:99爆冷擊敗湖人！

熱火昨以103:95屠殺速龍，在場記者本想訪問「三巨頭」的感受，然而一班球員卻遲遲未有離開更衣室，《ESPN》的熱火隨隊記者Brian Windhorst即在Twitter（@WindhorstESPN）爆料：「依家未有球員接受訪問，因為所有熱火球員都喺度睇湖人對騎士！」

還記得騎士早前曾經以55分輸給湖人，創出球會史上最大敗仗，但昨日卻憑後備沙斯安斯轟入32分，主場以104:99贏波，更令人意外的是早前在騎士恥辱性大敗後，曾發表「報應論」的占士，昨日竟一反常態，看完比賽後立即大喊：「騎士真係打得唔錯！」之後再發表偉論：「我早就估到騎士唔會好似上次咁大敗o架啦，騎士依家有幾個球員都係我前隊友，我知佢哋都好渴望勝利！」占士果然識搶風頭！