菲爾斯做Sales食白果

常規賽全擔正

儘管在季前選秀會只能以第39位被紐約人揀中，不過現年22歲的菲爾斯依然獲教練迪安東尼寄予厚望，在今季所有常規賽擔正，並兩奪月份最佳新秀，優異演出備受肯定。雖然菲爾斯人氣急升，可惜其貌不揚兼欠星味，即使被安排到運動用品舖客串售貨員亦未有被顧客認出。

當地記者Marc Berman透過Twitter爆料，指菲爾斯日前到Modell's這間大型運動用品連鎖店「搞搞震」，戴上假職員證冒充售貨員開工。期間菲爾斯「演出」落力，手執自己的球衣及Tee不斷大叫：「最佳新秀菲爾斯，高大又靚仔，你一定要買呢件波衫！」

埋單計數，菲爾斯不但未能售出自己的球衣，就連其他運動用品亦「賣極唔出」，整天的銷售額為零。加上在數小時的「兼職」過程中，無論男女老少都未有認出眼前的售貨員是菲爾斯，難怪這位新秀做到「冇癮」，於店舖內投籃自娛。