德國冬奧女王請拜仁慕尼黑食檸檬！今年喺冬奧幫德國攞2面金牌嘅靚女選手諾伊娜，早前自爆係拜仁慕尼黑Fans，點知拜仁會長漢尼斯打蛇隨棍上，當面走去向諾伊娜提出合作，搵佢擔任球會嘅市場推廣，希望憑靚女魅力吸納更多粉絲。諾伊娜透露拜仁嘅開價好吸引，但就表明自己只得23歲，仲想專心發展佢嘅「冰雪事業」。