夥極奇妙戰短途錦標做足準備再闖高峰

香港運動員早前在廣州亞運捷報頻傳，令港人振奮，其實賽馬都係一樣，香港人梗係撐番自己友！Alex繼十月初勇奪日本短途馬錦標後，嚟緊星期日佢同「極奇妙」再度出擊，在沙田馬場出戰「國泰航空香港短途錦標」，粉絲們準備好為Alex加油喇！

對於今場大戰，黎海榮話自己同隻馬準備工夫已經做足，關鍵係要放鬆心情，佢話：「雖然今場係國際一級賽，強敵雲集，『極奇妙』亦已經八歲，唔算好大機會，但如果我太緊張嘅話，到時就好難發揮水準。」

馬主為沙田班主林大輝

究竟點樣先至放鬆？黎海榮笑說：「到時唔好諗咁多，其實國際一級賽同普通賽事都係咁跑，只要贏馬，無論一級賽定五班賽我都咁開心。」黎海榮擁躉甚多，在facebook更設有fan club群組，人氣高企。

順帶一提，「極奇妙」馬主就係球圈名人、前甲組足球隊沙田班主林大輝，雖然球隊已降班，但相信仍有唔少球迷會為佢隻馬打氣。

黎海榮資多啲

英文名/ 年齡：Alex/ 27歲

個人榮譽 : 兩屆冠軍見習騎師

代表作 : 2009年王太后紀念盃冠軍（好先生）

2010年香港短途錦標冠軍（極奇妙）

2010年日本短途馬錦標冠軍（極奇妙）