李慧詩黃蘊瑤愛靚才會贏

愛美是女士們天性，香港兩位「鐵血女車神」李慧詩（Sarah）及黃蘊瑤（Jamie）亦不例外，完成今屆比賽後即時為10隻手指粉飾一番。其中為港奪得「亞運第1金」的李慧詩笑言已半年沒剪髮，回港後必第一時間剪個新髮型。

李慧詩要剪個靚髮

自場地單車賽結束後，Sarah終於可以抽時間為自己扮靚：「難得這幾天不用比賽，特別到選手村美甲，我揀了藍色做底色再加點銀點，足足整了1個小時。」其實選手村裏都有理髮店，不過Sarah卻沒有「幫襯」：「我不太清楚選手村裏的『水準』如何，所以等回港才剪，我會剪得好短，免得比賽時無時間去打理。」

至於另一位「愛美車神」Jamie，昨日出戰前亦特別為10隻指甲「裝身」，更指「整指甲」是她的護身符：「我是自己整的，因為上次參加記分賽時沒有整指甲，之後就『炒車』了，所以我出戰公路賽前特別整一整，希望作為護身符吧！」原來Jamie過去在比賽或訓練，都會帶定足夠的美容及「扮靚」物品，難道是「愛靚才會贏」？