希堅斯復出戰挫梅菲封王

蘇格蘭「巫師」希堅斯完美回歸！這位因涉嫌打假波被罰停賽半年的前世界第一桌球手，在其復出的首項賽事歐洲球員巡迴賽（德國站）中，即盡顯王者本色，連同決賽以4:2力克勁敵梅菲在內，兩日連贏7場賽事封王。賽後，世界排名重返第3的他揚言：「今晚只係開始，更多嘅獎盃陸續有來！」

重返世界排名第3

自今年5月起停賽，捱至11月才能復出，希堅斯聲言對今次比賽不敢寄予厚望：「我一定要面對現實，其他球員都打咗4、5個月比賽，即使我對自己實力有信心，但都唔敢諗得太多，只係想贏幾場就夠。」在休戰期間，希堅斯世界排名由第1跌至第4，但經過今次賽事連挫強敵，包括在決賽打出個人本站最高一Cue132度成績殺敗梅菲奪冠後，贏得了1萬歐元（約10萬港元）獎金，以及寶貴的2,000排名積分，成功趕過麥佳亞重返世界第3。

在比賽中一直獲得愛妻親赴現場支持，「巫師」不忘公開向所有恩人致謝：「今次奪得冠軍畀到我一啲信心，但以後仲有好長嘅路要走。我真係好高興，唔止係為我自己，亦係為我嘅家人同朋友。桌球界對我嘅回歸相當支持，畀到我溫暖嘅感覺。」

巫師「假波案」事件簿

月份 事件

4月30日 英國《世界新聞報》記者喬裝商人利誘希堅斯打假波獲得答應，並偷拍整個會面過程。

5月2日 世界桌總宣布希堅斯即時停賽，並展開正式調查；巫師同時發表聲明否認打假波。

9月8日 桌總開會審議後判其打假波罪不成立，但令賽事導致不名譽一罪卻要停賽半年，並罰款75,000鎊。

11月13日 正式復出球壇參戰歐洲球員巡迴賽，連贏7場勇挫杜治及梅菲等贏得冠軍。