慫恿魔童作反外母係攪屎棍？

今次發生咁多風風雨雨，唔少人都將矛頭直指朗尼經理人史達福特，不過英國傳媒尋日踢爆，真正「攪屎棍」竟然係朗尼外母！

英國《每日郵報》指朗尼外母高莉迪先係事件幕後主謀，接近朗尼消息人士透露：「朗尼外父外母對佢嘅職業生涯有『極度重大』嘅影響力，佢依家每一步都對高莉迪言聽計從。」消息人士仲話高莉迪做嘅一切都以愛女麥露蓮為先，據報朗尼曾喺家庭聚會提出去西甲，結果高莉迪即時發火一句「絕對唔得」，就令朗尼聲都唔敢聲。

《每日郵報》更形容「朗尼屋企暴動，外母為佢提供溫暖的家」，報道亦指朗尼依家去老婆娘家仲多過返自己屋企。究竟今次朗尼續約係咪高莉迪做決定就冇人知，但至少要得到呢位「老佛爺軍師」首肯先掂。

傳媒：鬧劇一場！

《衞 報》：一場鬧劇！

《鏡 報》：足球？去死吧！

《太陽報》：MAN ROO-NITED（曼聯朗尼再攜手）

ESPN：Rooney's Man-U turn（朗尼回心轉意）