多名主力傷停Rambo唔擔心

晨曦今日回師主場出擊，本來恃主場特佳的優勢，正好力爭再響勝鼓，奈何多名主將非傷即停，令該隊無法強陣出擊。不過晨曦教練列卡度自言並未太過擔心，因為他深信自己的眼光，多名「重點」球員可以擔起重任，協助「黃軍」於主場取得重要3分。

自首周主場擊敗大中後，晨曦3場作客賽事均告失分，列卡度表明今日對公民一戰極其重要，因戰果將直接影響球隊繼後的比賽信心。可是，幸運女神似乎有意跟Rambo（列卡度洋名）開玩笑，今仗「黃軍」除有去仗領紅的凌琮停賽，以及卡爾繼續養傷外，高尼路、李明和賴嘉輝均因不同程度的傷患，未克候命，僅排陣已教Rambo頭痛。「冇辦法，冇人想受傷，現實係咁，我惟有好好面對！」列卡度謂。

倚重兩邊側擊

今日一戰，晨曦再次變陣在所難免，Rambo寄望他季前點名為球隊重點栽培的球員，如白榮澤、謝敏榮、陸志豪和巢鵬飛等，臨陣能各盡所長。「由於高尼路缺陣，羅拔圖需要再次移後夥拍權赫台鎮守中路，中場創造力唔多唔少會受到影響，到時兩邊側擊就會更加重要！」列卡度指出，經過之前幾仗之磨練，白榮澤、謝敏榮和陸志豪，演出都有顯著進步，他說：「變陣之下，『阿飛』喺前線就更加需要隊友支援，佢有冇足夠輸送，好睇左右兩邊踢成點，呢方面我對佢哋好有信心。」