格蘭希爾喺大學時代已經係藝術發燒友，曾經籌劃過二十世紀非洲美洲藝術展覽會，上年佢仲學埋隊友拿殊做埋執行製作人，幫母校公爵大學籃球隊前教練畢舒拿拍咗一套紀錄片，名為《Starting at the Finish Line：The Coach Buehler Story》，上個周末仲喺學校搞咗個私人放映添！

強調籃球係第1位

格蘭希爾表示希望盡快搞埋啲手尾，等套紀錄片可以趕得切喺嚟緊舉行嘅電影節首次公映，同時搵網絡發行，希爾話：「我嘅角色愈嚟愈重要，離參展愈嚟愈近，我就愈多嘢搞！」不過希爾強調籃球仍然係佢第一位：「籃球對我仍然咁重要，今年可能係我合約最後一年，但我唔認為係我籃球生涯最後一年！」