據悉，首場表現出色的射手卡爾、中場李明及球隊精神領袖高尼路均有傷，去仗領紅的韓援權赫台又要停賽，加上對南華的大戰當前，令「黃軍」教頭列卡度今仗不得不變陣出擊。列卡度說：「雖然卡爾等人嘅傷患唔算好嚴重，不過喺兵源唔太緊張嘅情況下，我寧願變陣出擊，都唔想佢哋冒險。」

施華登場陸志豪任正選

一旦真的收起高尼路等人，列卡度坦承今仗陣容便會出現多個變動，如羅拔圖會再次客串清道夫，夥拍劉志強鎮守中路，首度亮相的施華會與賓曹合組雙防中，首仗後備入替演出可人的陸志豪，今仗會孭重飛任正選右翼；至於巢鵬飛的前鋒拍檔則會換上凌琮。「陣容變動係幾多吓，但我好有信心大家可以依足部署作賽，繼贏大中後再全取三分。」列卡度信心十足地道。

對於大埔，列卡度認為絕不能因為該隊首仗僅和港會，便看輕對手：「我哋當然唔會認為大埔易對付，亦唔會因為下場要對南華，而喺今場刻意保留。正如『波士』周文亮所講，喺聯賽嘅對手係只得南華、傑志，想攞到好成績，就一定要場場都當決賽咁打，我咁諗！球隊上下都係咁諗！」