連續3季未能躋身聯賽前4的晨曦，會方上季後決定狠狠的來一次大換血，除教練一職由甄力健換上「冠軍教頭」列卡度外，球員名單中亦「去舊迎新」，一口氣加入多名新血，包括今場會正選上陣的門將張健忠、中堅權赫台及前鋒巢鵬飛，仲有前愉園好波之人凌琮、未及註冊的巴西中場施華等等，球隊三線實力有增無減。其中「巢卡配」的前鋒組合更令「黃軍」支持者充滿期望，得巢鵬飛之助，上季甲組聯賽神射手卡爾，今季入球數字可望突破上季的14球。

權赫台高尼路雙塔防線

至於最被「黃軍」會方寄予厚望之新血，一定要數高大靚仔的韓援權赫台，於隊友口中腳法秀麗、膽識過人的他，未來將會與高尼路組成防線上的「雙塔」，另一援將羅拔圖因而可以復任最擅長的中場位置，此舉亦令「黃軍」中、後場實力更見完整。另外，獲列卡度視為今季重點之白榮澤，會跟綽號「螳螂」的謝敏榮於左路盡情發揮，成為球隊一大殺着。

周文亮：隊隊係南、傑

賽前，「黃軍」統帥周文亮再三提醒球員，一定要戒除上季「劫富濟貧」之弊病；「上季我哋可以贏南華、傑志，但係就失分畀其他對手，想重奪聯賽錦標，就一定唔可以再做『羅賓漢』！總之聯賽場場係決賽、對手隊隊都係南華、傑志！」

與晨曦一樣，大中今季同樣由新帥執教，上季先後率領過天水圍飛馬和沙田的狄恩，預期今日作客青衣會十分難踢：「我曾經喺球隊三水集訓期間，睇過晨曦對屯門嘅熱身賽，佢哋大部分球員都合作咗好耐，新球員又有質素，相反我哋比較多新加入嘅球員，合作未係好純熟，淨係呢點已經蝕底好多！」狄恩強調旗下眾將陣上都會傾力而戰，為球隊、為自己，就算明知對手實力高於自己，也會拚到底！