波古斯5呎3打足14年

有睇開NBA嘅球迷，相信對波古斯呢位球員唔會陌生，事關佢係NBA史上最矮球員，只得5呎3吋，即係得160cm，但喺NBA足足打咗14年，先後効力4支球隊，目前仲係黃蜂多項紀錄保持者添。

最近美國傳媒爆料，話鷹隊快將簽入自由身球員保堅斯，初時以為佢只係二打六，後尾發現保堅斯係繼波古斯後，NBA史上第二矮球員，身高只得165cm，99年出道至今打過9支NBA球隊，出名係後備得分王，目前仍係NBA史上射入30分以上最矮球員。雖然佢今年已經34歲，但上季幫巫師打咗67場常規賽，平均每場都有6.6分、1.1個籃板同2.6次助攻，新季如果有機會睇鷹隊直播，真係要落足眼力(目及)實呢位奇人呀！