Nike World Basketball Festival星光熠熠，繼日前有「波神」米高佐敦與高比仔等巨星撐場後，昨晨上演正本戲，効力馬刺的法國球星柏加，便攜同愛妻「靚太」伊娃「突襲」麥迪遜公園球場為祖國法國打氣。在觀眾要求下，這對巨星愛侶即場加演溫馨「錫錫」，並大談夫妻相處之道，恩愛氣氛熱爆整個場館！ 洪家健紐約直擊

柏加夫婦前一晚剛欣賞完美職聯紐約紅牛對洛杉磯銀河的大戰，為亨利打氣，到昨日他們一行三人更聯袂到臨麥迪遜支持法國隊。此外，應屆新秀狀元約翰禾爾與新加盟勇士的美籍華裔「人氣王」林書豪都為座上客。

跟辣妹學夫妻之道

早已表明不會參戰今屆世界賽的柏加，論名氣即使相比美國隊員亦毫不輸蝕，尤其是近期多次傳出紐約人有意在來季向馬刺挖角邀其加盟，甫出現麥迪遜自然成為全場焦點。結果柏加在球迷要求下，即在鏡頭前大方親吻愛妻，引發全場尖叫歡呼。

被視為模範愛侶，伊娃卻聲言曾向另一對明星夫婦碧咸與維多利亞討教相處之道：「我哋大家都有個球星老公，經常要飛嚟飛去，維多利亞教識我哋點樣去好好相處，我希望我哋嘅婚姻會好似佢同碧咸一樣咁幸福。」

伊娃撐柏加過紐約人

幸福滿瀉，當記者問到柏加是否有意加盟紐約人時，伊娃即為愛郎搶答：「Yes！」事實上，《紐約郵報》近日亦報道指，紐約人在今夏爭奪占士失敗後，正瞄準明年夏天自由身市場，希望「打孖」簽入安東尼與柏加，如今有「靚太」親口保證，睇怕柏加都唔敢反口Say No，紐約球迷肯定滿意這個答案吧！