易建聯尋日着住新款波鞋同外套同各國傳媒傾偈，心情輕鬆。阿聯昔日効力同紐約鄰近的新澤西籃網，絕對是半個「紐約人」，佢還表示「隊友想去邊我就帶佢哋去邊」。

杜蘭特跟K教練學嘢

阿聯向記者表示，隊友當中佢最睇好郭艾倫，仲大讚這位控衞速度高兼有智慧，假以時日有望到NBA發展。至於美國隊主席高蘭基路、K教練、杜蘭特同朗度都對今次世錦賽充滿期望，高蘭基路指今次美國隊成員好有機會出戰下屆奧運。「得分王」杜蘭特就力讚「好老師」K教練身上獲益良多，至於綠軍後衞朗度就話要努力爭正選：「陣中有好多好球員，但我會證明自己係最好。」