莫威廉士失控爆粗

自上季NBA收咧後，騎士班主基拔就多次致電及發短訊畀占士，希望了解對方留隊心意。可惜「大帝」未有回覆，兼且等到直播之前一刻至通知自己，令基拔嬲到爆炸，仲勁插占士打波態度有問題：「大家睇番東岸準決賽對塞爾特人，就會發覺占士喺第2、4、5同6場都過早放棄，唔似一個巨星應有嘅表現。」騎士最後亦以2:4不敵綠軍出局。

支持占士嘅老婆婆Fans聽到偶像離隊消息後都顯得不敢相信。 (美聯社圖片)

有公牛Fans不齒占士轉會熱火。 (美聯社圖片)

其實當占士宣布決定後，基拔立即喺騎士官網發表公開信，揚言要活得比佢更好：「我以個人保證，騎士會比起嗰位自命『大帝』嘅人，更早贏得NBA總冠軍！」前隊友莫威廉士更加爆粗：「Fxxx！我依家難受到不得了，心裏面就好似畀人拎走一啲嘢！」至於部分喺酒吧睇直播嘅球迷，仲紛紛除咗身上嘅23號波衫焚燒洩憤！